Жаңа мүшелерді қарсы алу: «Жас Қыран» және «Жас ұлан» қатарына қабылдау.

2025 жылғы 25 қазанда Қазақстан Республикасының басты мерекелерінің бірі – Республика күніне 35 жыл толуына орай, мектебімізде салтанатты іс-шара ұйымдастырылды. Шара аясында оқушыларды Республикалық бірыңғай «Жас Қыран» және «Жас ұлан» балалар мен жасөспірімдер ұйымына қабылдау рәсімі өткізілді.
Бұл іс-шара — жас ұрпақтың Отанға деген сүйіспеншилігін арттырып, азаматтық жауапкершілігін қалыптастыруға бағытталған маңызды тәрбие жұмыстарының бірі. Рәсім барысында оқушылар ұйым қатарына қабылданып, салтанатты түрде ант берді.
Бұл ерекше күн олардың жүрегінде ұзак сақталып, отансүйгіштік қасиеттерін нығайта түсері сөзсіз.
«Жас Қыран» және «Жас ұлан» ұйымының жаңа мүшелерін шын жүректен құттықтаймыз! Олар - ел болашағының кепілі: білімді, тәртіпті, патриотизм жас ұрпақ.