Средняя общеобразовательная школа № 35

Семей қаласының тарихи-өлкетану музейінің жылжымалы көрмесі мектебімізде

admin — Wed, 10 Dec 2025 16:00:21 +0600

Тәуелсіздік күніне орай, Семей қаласының облыстық тарихи-өлкетану музейі ұйымдастырған жылжымалы көрме мектебімізде өтті. Көрмеде «Ақыл-ойдың алыбы» тақырыбы бойынша Абай Құнанбайұлының өмірі мен шығармашылығы, сондай-ақ «Семей өңірінің табиғаты» атты бөлім таныстырылды. Мектеп оқушылары көрмеге қатысып, тарихи және табиғи мұрамен танысып, қызықты ақпарат алды.

В честь Дня Независимости в нашей школе прошла передвижная выставка, организованная Областным историко-краеведческим музеем города Семей. На выставке были представлены разделы «Жизнь и творчество Абая Кунанбайулы» и «Природа Семейского края». Школьники активно участвовали, познакомились с историческим и природным наследием региона и получили много познавательной информации.

«№35 жалпы орта білім беретін мектеп» КММ бос лауазымдық қызмет бойынша конкурсқа қатысушылардың құжаттарын тексеру комиссиясының отырысы

admin — Wed, 10 Dec 2025 15:30:23 +0600

«№35 жалпы орта білім беретін мектебі» КММ бос лауазымдық қызмет бойынша конкурсқа қатысушылардың құжаттарын тексеру комиссиясының отырысы

admin — Wed, 10 Dec 2025 15:00:57 +0600

Мектептегі буллингтің алдын алу және әрекет ету алгоритмі

admin — Wed, 10 Dec 2025 13:00:26 +0600

«Тарихты сөйлеткен ғалым»: мектебімізде ғалым Мұхтарбек Кәрімовпен кездесу кеші өтті.

admin — Tue, 09 Dec 2025 19:30:13 +0600

09 желтоқсанда 2025 жылы №35 мектепте "Ғасырлар ізімен тарих пен география" он күндігі аясында пәндік сыныптан тыс-іс шара "Тарихты сөйлеткен ғалым " атты тағылымы мол тұлғамен кездесу кеші ұйымдастырылды. Іс-шараны мектебіміздің директоры Махамбетова Гульнара Муратовнаның қолдауымен тарих мұғалімі Толеуконырова Жазира Жумашовна және тарих-география пәні мұғалімі Сыдыкова Сауле Акажановна ұйымдастырды. Іс-шараның мақсаты – оқушылардың туған ел тарихына деген қызығушылығын арттыру, ғылыми көзқарасын қалыптастыру, тарихи деректерді зерттеудің маңызын түсіндіру және жас ұрпақты отансүйгіштікке баулу.Кездесуге жергілікті өлкетанушы, тарих ғылымына елеулі үлес қосқан – ғалым Кәрімов Мұхтарбек Қарпықұлы шақырылды. Шара барысында Мұхтарбек Қарпықұлы өзінің ғылыми ізденіс жолы, тарихи құжаттармен жұмыс істеудегі ерекшеліктер, тәуелсіз Қазақстан тарихының маңызды кезеңдері жөнінде мазмұнды әңгіме өрбітті.
Оқушылар ғалымға көкейлеріндегі сұрақтарын қойып, құнды мәліметтер мен кеңестер алды. Әсіресе, жас ұрпаққа арналған “тарихты оқу – болашағыңды тану” деген тұшымды ойлары қатысушыларға ерекше әсер қалдырды.
Кездесу жоғары деңгейде өтті. Шара оқушылардың тарихи танымын кеңейтіп, ғылымға деген қызығушылығын арттыруға ықпал етті. “Тарихты сөйлеткен ғалым” кеші онкүндіктің маңызын айшықтап, білім алушыларға рухани серпіліс сыйлаған игі басқосудың бірі болды.

9-сыныптарда «Отбасындағы зорлық-зомбылық профилактикасы» тақырыбында тренинг өтті.

admin — Tue, 09 Dec 2025 19:00:35 +0600

"Зорлық-зомбылықсыз 16 күн"халықаралық акция жоспарына сәйкес 9-шы сыныптар арасында "Отбасындағы зорлық-зомбылық профилактикасы және келіспеушілікті шешу жолдары" тақырыбында тренинг өтті. Бұл тренинг жасөспірімдердің қауіпсіз қарым-қатынас дағдыларын дамытуға, буллинг, хейт және эмоционалдық зорлықтың түрлерін түсінуге бағытталды. Оқушылар модельдік жағдайлар арқылы қиын коммуникативтік сәттерді талдап, өз сезімдерін дұрыс жеткізу, конфликтіден шығу және бір-біріне қолдау көрсету жолдарын меңгерді.

«Түрлі-түсті көңіл-күй» жаттығуы қатысушыларға өз эмоционалдық жағдайын анықтап, ашық бөлісуге мүмкіндік берді. «Жасыл шыршадағы арман» тапсырмасы оқушылардың болашаққа деген үмітін, мақсаттары мен армандарын визуализациялауға көмектесті. Ал «Достық шамы» жаттығуы жылы сөз айту, эмпатия таныту және достықтың құндылығын сезіну арқылы топ ішіндегі сенімділікті арттырды.

Жалпы, тренинг оқушылардың өзара сыйластыққа, жауапкершілікке және қауіпсіз онлайн және офлайн қарым-қатынас қалыптастыруына оң ықпал етті.

Іс-шараға қатысқан: 9 «А» сынып жетекшісі – Төлеутаев Е.А.
Педагог-психолог – Абишева М.К.
Кәсіптік бағдар беруші – Жаңылша Г.А.
Олардың бірлесе жүргізген жұмысы тренингтің тиімді өтуіне және оқушылардың белсенді қатысуына мүмкіндік жасады.

Мектебіміздің педагогтерін құттықтаймыз!

admin — Tue, 09 Dec 2025 10:30:30 +0600

Мектебіміздің педагогтерін құттықтаймыз!
Мектебімізден «Білім педагогикалық шығармашылық орталығы» ұйымдастырған пәндік олимпиадаға 76 педагог белсенді қатысты. Олимпиада қорытындысы бойынша республикалық орталықтан «Үздік ұжым» кубогы мектеп директоры Махамбетова Гүлнар Мұратқызына табысталды.
Бұл – мұғалімдеріміздің кәсіби шеберлігінің, жауапкершілігінің және жоғары дайындық деңгейінің айғағы.
Педагогтерге еңбектері мен өз ісіне адалдығы үшін алғыс білдіреміз!

Поздравляем педагогов нашей школы!
Республиканский «Білім педагогикалық шығармашылық орталығы» организовал среди педагогов школы предметную олимпиаду. В олимпиаде приняли участие 76 педагогов школы. По итогам олимпиады от республиканского центра был вручен кубок «Үздік ұжым» директору КГУ «СОШ №35» Махамбетовой Гульнаре Муратовне.
Это признание профессионализма, ответственности и высокого уровня подготовки наших учителей.
Благодарим педагогов за их труд и преданность своему делу!

Мектеп Парламенті жаңа бастама ұсынды: «Идеялар қорабы» жобасы

admin — Mon, 08 Dec 2025 11:00:46 +0600

Мектебімізде Мектеп Парламентінің бастамасымен «Идеялар қорабы» іске қосылды. Бұл қорапқа әр оқушы мектеп өмірін жақсартуға арналған өз ұсыныстарын қалдыра алады.
Ұсыныстар аптаның соңында Парламент мүшелерімен қаралып, орындалуы мүмкін идеялар жүзеге асырылады.
Қысқа ережелер:
•    Идеялар мектепке қатысты болуы керек.
•    Қысқа әрі түсінікті түрде жазылады.
•    Әдепсіз, мағынасыз жазбалар қабылданбайды.
•    Автор аты-жөнін көрсетпеуге болады.
•    Идеялар апта бойы қабылданады.
Әр оқушының пікірі маңызды!
Өз идеяңды ұсын – өзгеріс сенен басталады.

М. Әуезов атындағы педагогикалық колледж өкілдерімен түсіндірме жұмысы өтті.

admin — Fri, 05 Dec 2025 13:30:55 +0600

2025 жылғы 5 желтоқсанда М. Әуезов атындағы педагогикалық колледжінің өкілдері 9-шы орыс сынып оқушыларына түсіндірме жұмысын жүргізді. Кездесу барысында оқушыларға мамандық таңдау, оқу бағдарламалары және колледжге түсу ережелері туралы толық ақпарат берілді. Колледж өкілдері барлық қызығушылық танытқан оқушыларға есіктері ашық екенін айтып, болашақта кәсіби бағыттарын анықтауға көмек көрсетуге дайын екенін жеткізді. Іс-шара оқушылардың кәсіби бағдарын қалыптастыруға және мамандық таңдауда саналы шешім қабылдауына ықпал етті.

«ДосболLike» достық акциясы мектепте ұйымдастырылды

admin — Thu, 04 Dec 2025 13:29:15 +0600

Мектебімізде Парламент мүшелері мен әлеуметтік педагогтың бастамасымен «ДосболLike» атты достықты насихаттайтын акция ұйымдастырылды. Шараның мақсаты — оқушылар арасында достық, өзара құрмет пен қолдау атмосферасын қалыптастыру.
Акция барысында оқушылар қолдарын өздері қалаған түске бояп, арнайы дайындалған «Достық ағашына» жүрекше іспетті таңбалар қалдырды. Бұл арқылы олар достықтың маңызын білдіріп, жүректен шыққан жылы тілектерін ағашқа бейнелеп қалдырды.
Аталған шара оқушылардың белсенділігі мен шығармашылығын дамытып қана қоймай, бір-біріне деген жылы қарым-қатынасты қалыптастыруға үлкен үлес қосты. Мұндай игі бастамалар оқушылардың рухани-адамгершілік тәрбиесін жетілдіруде маңызды орын алады.